讀者投稿《奶唔雪得奶奶篇》
（我是母乳媽媽） 話說有一日我老爺奶奶去我屋企，見到雪箱一包包的冰奶，起初佢話我同老公點解沖定啲鮮奶放係雪櫃？（鮮奶有得沖？我第一次聽😑我老爺奶奶知道我是餵母乳的！）我回答...其實果啲係母乳黎架...跟住佢又係度話我做咩冰住咁多奶，奶一定要食新鮮既，冰左會食壞肚，搞到腸胃炎等等.......😑 我奶奶仲好激動咁話你做咩要比冰奶個囡食，想食壞佢呀，你係咪唔夠奶呀，唔夠既就沖奶粉比佢食啦......... 😑佢冇病呀，好明顯我係有多餘既奶先會放入冰箱啦，點樣會理解到我唔夠奶....完全唔知佢地個腦諗咩...
最初係bb出世係醫院，我奶奶望實我擠奶，見我得果一兩滴，又話我唔夠奶，我唔夠奶又話你唔夠，而家太多奶又話你...真係火都黎....
有時我老公用奶樽餵母乳，我老爺見到我個囡係咁喊，唔太願意食咁，就叫我老公唔好迫佢食，由得佢...但轉頭又係度話我個囡抱落好輕，係咪冇長肉，係咪你啲奶唔夠營養等等....迫佢食多啲奶又話你迫佢，唔迫佢食又話你個囡太瘦太輕...想點...
唉....😩明明已經好努力咁湊女，佢地仲要咁樣，真係唔想同佢地講野囉...
雖然個個都話你睇開啲啦，老爺奶奶都係講下架姐，唔駛放係心上...但聽到咁既說話點都會有啲嬲囉........
退一步海闊天高。
Search